അദ്ദിക്ർ

2: 285 ല്‍, പ്രവാചകനും വിശ്വാസികളും അല്ലാഹുവിനെക്കൊണ്ടും അവന്‍റെ മലക്കുകളെക്കൊണ്ടും അവന്‍റെ ഗ്രന്ഥങ്ങള്‍ കൊണ്ടും അവന്‍റെ പ്രവാചകന്‍മാരെക്കൊണ്ടും വിശ്വസിക്കുന്നവരും ആ പ്രവാചകന്‍മാര്‍ക്കിടയില്‍ ഒരു വിവേചനവും കാണിക്കാത്തവരും 'ഞങ്ങള്‍ കേട്ടു, അനുസരിച്ചു' എന്ന് പറയുന്നവരുമാണെന്ന് പറഞ്ഞിട്ടുണ്ട്. ആ ദ്യമനുഷ്യന്‍ ആദമിനെ സൃഷ്ടിച്ചപ്പോള്‍ തന്നെ അന്ത്യനാള്‍ വരെയുള്ള എല്ലാ മനുഷ്യരെയും സ്വര്‍ഗത്തില്‍ സൃഷ്ടിക്കുകയും ശേഷം അവരോട് 'ഞാനല്ലെയോ നിങ്ങളുടെ നാഥന്‍' എന്നുചോദിച്ചപ്പോള്‍ എല്ലാവരും 'അതേ നാഥാ! ഞങ്ങള്‍ സാക്ഷ്യം വഹിക്കുന്നു' എന്ന് മറുപടി പറയുകയും ചെയ്തകാര്യം 7: 172-173 ല്‍ ഓര്‍മ്മിപ്പിച്ചിട്ടുണ്ട്. എന്നാല്‍ പ്രസ്തുത ഉടമ്പടി ഇവിടെ പാലിച്ച് ജീവിക്കുക വിശ്വാസികള്‍ മാത്രമാണ്. അതുപോലെ 3: 187 ല്‍, ഗ്രന്ഥം നല്‍കപ്പെട്ടവരോട് അത് ജനങ്ങള്‍ക്ക് വെളിവാക്കുകതന്നെ വേണമെന്നും നിങ്ങള്‍ അത് മൂടിവെക്കരുതെന്നും നിങ്ങള്‍ അതിന് കുറഞ്ഞ വില വാങ്ങരുത് എന്നും പ്രതിജ്ഞ വാങ്ങിയ കാര്യം പറഞ്ഞിട്ടുണ്ട്. അല്ലാഹുവിനെ സൂക്ഷിക്കുക എന്നാല്‍ ഹൃദയങ്ങളുടെ അവസ്ഥ അറിയുന്ന ത്രികാലജ്ഞാനിയായ അല്ലാഹുവില്‍ നിന്ന് ഒന്നും തന്നെ മറച്ചുവെക്കാന്‍ സാധ്യമല്ല എന്നും ഇഹലോക ജീവിതത്തിലെ 15 വയസ്സിന് ശേഷമുള്ള ഓരോ നിമിഷവും 17: 13-14 ല്‍ വിശദീകരിച്ചതുപോലെ അവരവരുടെ പിരടിയില്‍ ബന്ധിച്ചിട്ടുള്ള കര്‍മ്മരേഖയില്‍ റിക്കാര്‍ഡ് ചെയ്യപ്പെടുന്നുണ്ടെന്നും അത് വായിച്ചു കൊണ്ടാണ് വിധിദിസം ഓരോരുത്തരും അവരവരുടെ വിചാരണ സ്വയം നടത്തേണ്ടി വ രിക എന്നുമുള്ള ബോധത്തില്‍ എല്ലായ്പ്പോഴും എവിടേയും നിലകൊള്ളലാണ്. അതിനുള്ള ഉപകരണമാണ് 73: 19; 76: 29; 80: 11 തുടങ്ങി 9 സൂക്തങ്ങളില്‍ പറഞ്ഞ നാഥനിലേ ക്ക് എത്തിപ്പെടാനുള്ള ടിക്കറ്റായ അദ്ദിക്ര്‍. ഇന്ന് ഇത്തരം സൂക്തങ്ങളെല്ലാം വായിക്കുന്ന ഫുജ്ജാറുകള്‍ നരകക്കുണ്ഠത്തിലെ സിജ്ജീന്‍ പട്ടികയിലേക്കുള്ള ഫുജ്ജാര്‍ കിത്താബുകളാണ് പഠിക്കുന്നതും പഠിപ്പിക്കുന്നതും. 2: 26-27 ല്‍ വിവരിച്ച പ്രകാരം അദ്ദിക്റിന്‍റെ 40 പേരുകളും സത്യപ്പെടുത്തി ജീവിക്കുന്ന 1000 ത്തില്‍ ഒന്നായ വിശ്വാസി മാത്രമേ സ്വര്‍ഗത്തിലേക്ക് തിരിച്ചുപോവുകയുള്ളൂ. ബാക്കി 999 ഫുജ്ജാറുകളും ഉടമ്പടി പാലിക്കാത്ത തെമ്മാടികളായതിനാല്‍ പിശാചിന്‍റെ താവളമായ നരകക്കുണ്ഠത്തിലേക്കാണ് തിരിച്ചുപോവുക. 2: 255; 3: 81, 101-103 വിശദീകരണം നോക്കുക.